70 км кхоачаш, наькъаш тоаде лерхӀ республике
2024-ча шера, 70 км кхоачаш наькъаш боаггӀача боарам тӀа доаладе лерхӀ вай мехка. Из хоам «Сердалога» бир наькъий гӀулакхех йолча министерствос. «Кхераме доаца дика наькъаш» яхача къаман проектага гӀолла Илдарха-ГӀалий тӀара Шолжах тилла тӀий тоадеш болх дӀабихьар укх шера», - йоах хоамо.
48 метрага кхоачаш йӀаьха моттиг укх 50 шера хӀанз эггара хьалха иштта, деррига хувцаш, тоайир. Асфальтабетон юллаш, гонахье чуерзаеш, гӀашлой никъ тоабеш, шинна оагӀорахьара басарашца белгало еш, къахьийгар цу доазон тӀа. Карарча хана Эккажкъонгий-Юртарча Кен яхача хих тилла тӀий тоадеш боахк болхлой.
Хатар хилар кхерам болаш дар цу моттига хьал, тахан белгалдечох. Гонахьа оттаяь чӀоагӀало пайдана йоацача кхаьчаяр, тӀаь керттера дакъа а тешаме дацар. Дикка къахьега дезаш болх ба цига дӀаболабаьр. 2025-ча шера дӀахобахьа безаш болх хургба цох, проектага диллача. Майрра ала йиш йолаш да вай тахан; мехкарча наькъий хьал дикка тоадеш латт, аьнна.
