Олимпийски ловзарий толамхо волча Кхоартой Калойна хетаяь яхь дӏахьоргья вай мехка
12.12.2025 09:37
Олимпийски ловзарашка дото майдилг яьккхача Кхоартой Калойна хетаяь мехкашта юкъера яхь дӏахьоргья вай мехка. Из хоам «Сердалога» бир спорта оагӏонцарча министерствос.
«Яхьанна хьалхаэттараш – спортахи физически культурахи йола Министерство, спортацарча латарах йола Федераци. Къилбаседа Кавказера, иштта кхыйолча моттигашкара 100 совгӏа латархой ба цу юкъе дакъа лоацараш. 11 тайпарча дозалах шоай низ гойта беза укх бетта 20-ча дийнахьа 18 шерга кхачанза болча спортсменаша», - дийцар тха газетага.
Эггара толашагӏа болча спортсмений цӏераш йовзаргья вайна цу дийнахьа.
