Нахаца вӀашагӀкхетар хилар «Даьхен лорбой» ганза кулгалхочун
20.09.2024 15:30
ГӏалгӀайчен «Даьхен Лорбой» ганза филиала кулгалхочо Оздой Муслима, Гӏажарий-Юрта дӀа а ваха, цига СВО доакъашхой, ветеранаш тӀаэцаш болх бир.
Итт сага аьттув хилар цунна тӀаваха, шоай хаттараш ийца. Деррига хаттараш техкар, теркам тӀабохийташ, вахара даькъ тӀа уж кхоачашдеш барашта декхар тӀадиллар.
«Денал долча бӀухошца кхетаче дӀахьош, Оздой Муслима вовзийтар царна ганза керда болхло ХаджиевгӀар ИбрахӀим. Из хургва ганза чубоагӀача СВО доакъашхой вахара хаттараш кхоачашдеш. СВО ветераний хаттараш дика довзаш ва ХаджиевгӀар ИбрахӀим, из ше хиннав цига.
Цигара цӀавеначул тӀехьагӀа, цо лаьрхӀар ший мехкахошта - лаьрххӀача операцен доакъашхошта новкъостал де», - аьлар «Сердало» газетага «Даьхен лорбой» яхача ганзе.
