ГӏалгӀай мехка дӀадихьар, 156 гектара тӀарча хьун лаьттан доал дара балхаш
Хьу лораяра дола паччахьалкхен декхар кхоачашдеш; Наьсарен, Шолжа хьунашка цӀи яргйоаца балхаш леладеча моттигий болхлоша шоай даькъ тӀа къонача гаьнашта агротехнически доал деш болх дӀабихьар, яхаш, дийцар «Сердало» газетага ГӏалгӀайчен Ӏалама Министерстве.
Хоам бу, гаьнаш дикагӀа дӀалатара 91,2 гектара тӀа Наьсарен хьунашкара цӀи йоаяра центра, иштта, 65 гектара тӀа Шолжа хьунашкара цӀи йоаяра центра болх дӀабихьар.
Болх дӀахьош лаьтта кӀаьддир, цунна дикагӀа садахар хургдолаш. Юххе хьатӀаяьнна баьцовгӀаш дӀаяьхар, цул тӀехьагӀа дика дегӀайоагӀаргйолаш молхаш техар.
ГӏалгӀайчен хьун доазув да 84,2 эзар гектар. Из да юкъарча республикан доазонгара дӀалаьрхӀача 21,6%. Царех хьу тӀайола лаьтташ-78,2 эзар гектар я. Республикан еррига хьунаш лорае езарех лоархӀаш я»,-аьлар Ӏалам лорадеча боахаме.
