ГӏалгӀай мехка, СВО бӀухой хьаллоацаш, концерт хилар, «Котало вайгахьа хургья!» яхаш
ГӏалгӀай Республикан халкъа артиста Эсамарзанаькъан Ӏалаудина вӀашагӀделлар, Украине тӀема операци дӀахьош бола бӀухой хьаллоацаш дола концерт, яхаш, дийцар «Сердало» газетага цига дакъа лоацаш хиннараша.
«БӀухошцарча лерхӀама, Наьсарен кхален культуран цӀагӀа дӀахьош долча концерте бийхар лаьрххӀача операце бӀухой, цига бейнача бӀухой, иштта таханарча денна цига шоай балха декхар дизза кхоачашдечар дезал. Цунна шоашкара дакъа юкъедихьар ГӏалгӀайчен Халкъа артисташа Малсаганаькъан Розас, Оздой Адама, «Магас» иллей, халхарий Паччахьалкхен фольклорни ансамбло, иштта солиста-вокалиста КӀанташанаькъан Жабраила, кхыбараша. Берригача культуран болхлоша дӀахьош хиннача вӀашагӀкхетара маӀан цаӀ дар - ЛаьрххӀача операце хӀара бӀухочунна баркал алар», - йоах хоамо.
Юххера а, кхален депутатий кхела кулгалхочо Эккажанаькъан Идриса даькъалабийцар Коталон 80 шу дизарца берригаш а.
«Россе тӀема гӀулакха ветераний» юкъарлон кулгалхочо Иленаькъан Беслана баркал аьлар артисташта, дипломаш, майдилгаш, сийлен грамоташ елар царна.
