Кагирхошта юкъерча наркоманех дувца цхьан истола гонахьа гулбелар мехка
25.08.2025 12:06
Наркомани яхача доккхача зулама духьала дӀабахьа безача балхах дийцар кагирхой гӀулакхех йолча комитете дӀайихьача кхетаче. Наркоманена духьаларча къовсама юкъедоаладича дика хургда аьнна хетарех аьлар хӀаране.
«Кхетаче дувца оттадаь керттердар – кагирхой сакхетам нийсбар, наркомани бӀеха, во зулам долга царна Ӏочудиллар. Цу ираз дайнача гӀулакха духьала малагӀа къовсам лоаттабе беза белгалдир цига», - дийцар «Сердалога» кхетаче дакъа лоацаш хиннараша.
Вай массане цхьана къахьегаш, чакхбаккха безаш болх ба из. Кагирхой моттигашка наркомани яхар сага вахар толхадеш, цун юхь йоаеш дола ираз дайна гӀулакх долга хьалхадоахаш йола программаш йоаржае еза.
