Чарахьал даь ена фос йохкаш йий хьожаш чакхбаьлар
25.06.2024 10:56
ГӀалгӀайчен Шолжа кхален хьун хьайбаш лорадара паччахьалкхен даькъа тӀахьожамхой, ГӀалгӀайчен Ӏалама Министерствон викалашца цхьана, болх дӀахьош хилар, чарахьал даь йохкаш йола фос гучайоаккхаш, яхаш, дийцар мехка Ӏалам лорадераша.
«Из болх дӀабихьаб, Шолжа кхален мах беш йолча моттигашка. Чарахьал даь ена фос йохка бокъо луш дола каьхаташ дий хьежар. Бокъонаш телхаяь моттиг нийсъяланзар», - йоах хоамо.
Бахархошта хьалхадаьккхар, цу тайпара хӀама йохкарах, Ӏаьдало бехктокхаме оттавеш хилар, нагахьа санна цунга бокъо луш дола каьхаташ деце.
