Шолжа кхален хьунашкара цIенала хьал техкар республике
08.07.2024 13:02
Шолжа кхален хьунашкара хьал тахка арабаьнна хилар, цу даькъ тIара болхлой. Из хоам «Сердалога» бир Iалама гIулакхех йолча министерствера.
«2024-ча шера кхоачашбе оттабаь болх ба дIаболабаьр. Оалкамарча хьунагIара 36 гектарага кхоачаш долча, Галашкарча хьун боахама 30 гектар долча доазон санитарни хьал техкар хьун боахама гIулакха арабаьннараша. Лийга яда гаьнаш дIайоахаш, болх дIабахьа беза, аьнна, соцам бир шиннахьа а.
ГIажарий-Юртарча хьун хьал 128 гектара тIа техкар», - белгалду министерстве. ФБУ «Рослесозащита» яхача филиала болхлой ба, хьунашта тIахьожам лоаттаберашца, из болх чакхбоаккхаш хиннараш.
ДIабахьа безаш хинна беррига болх йистебаьннаб, де дезараш белгалдаьд.
