Мехкара наькъаш цӀенхаштта тоадеш, болх ба дӀахьош
14.07.2025 11:43
Мехкарча моттигий наькъаш меттадоаладеш къахьег тахан.
Наькъий гӀулакхех йолча министерствос белгалдечох, укх шера бӀаьстан хьалхарча бетта Эбарга-Юрта тӀабода 3, 125 км кхоачаш бола никъ тоабир.
Карарча хана тоабаь бала боаллаш ба СоагӀапченна дӀатӀаотташ бола 5,47 км латта никъ. Укх кӀира йистебала мег болхлой асфальт Ӏобилла, гӀашлой никъ къоастабаь, хӀаьта тӀадоагӀача кӀира наькъашкара гӀармаш оттаеш, басарашца наькъашка къоастам беш хургба уж.
Белгалде деза, из болх вахара хьал тоадарах йолча къаман проектага гӀолла дӀахьош болга. 11 никъ ба 2025-ча шера цунга гӀолла куц хувца дезараш.
