Калининградера бераш да, вай мехка салоӀаш
«Къона патриот» яхача вай мехкарча лагере салоӀаш да Калининградера бераш. Донбассерча тӀема операцена юкъе, вахар хаьдача бӀухой бераш да уж. Царна кечъяь лаьрхӀа программа я лагере.
Мехкара моттигаш йовзар музеера дӀадоладелар берашта. Цига царна довзийтар СВО доакъашхой тӀема истори, цар вахара никъ, иштта гӀалгӀай къаман дӀаьхий дола истори дайзар зӀамигача хьаьшашта», - дийцар «Сердалога» дешареи Ӏилмани гӀулакхех йолча Министерстве.
Тайп-тайпара кхетаченаш, дог гӀоздоаккхаш бола салоӀам ба берашка хьежаш. Республике массехк ди доаккхаш, къаман культура, Ӏадаташ, истори хьадоагӀа никъ байзар берашта.
Цар дакъа лаьцар спорта яхьашка, кхоллама пхьоаллешка ухаш, лоаман хозача моттигашка лелаш сакъийрдар. Магасера Барта-ГӀала бӀаргаяйна, шахьаре гӀолла экскурси яь, бераш чӀоагӀа дега тоам хинна дар.
ЗӀамигача хьаьшашта дицлургдоацача тайпара сакъердийт царга. Мехкашта юкъера бувзам чӀоагӀбара тӀехьа, доккха дика доаржадеш да из гӀулакх.
