Кхувшбоагӏараша бокъонаш телхаергйоацаш, хьехама болх бу царца
ГӏалгӀай Республикан кагирхой гӀулакхех йолча комитето лаьрххӀача, юкъерча дешара моттигашка хьехама болх дӀахьу, кхувш боагӀарашта юкъе бокъонаш телхаяра хьал тоаде дагахьа, яхаш, хоам бу «Сердало» газетага ГӏалгӀай Республикан КДМ зарбан болх лелабераша.
«Студентий бокъонаш лораярах бола кхетам лакхбара, кагирхой гӀулакхех йола комитет яха хилар массехк колледже. Цо хоадам боллаш дийцар берашта, кхувшбоагӀарашта юкъе бокъонаш телхаеш йола моттигаш нийслуш хиларах, цу гӀулакхах административни е уголовни бехктокхаме озаш хиларах. Къаьстта бола теркам тӀабахийтар кагирхошта новкъостал лоаттадеш йолча моттигашта. Говзанчаша дийцар законаш мишта лораде деза, ший мехка дика вахархо хилара де дезар фуд», - йоах хоамо.
«Цу тайпара хьехама болх дӀабахьарах, ший ханнахьа кагирхошка хоам дӀакхачийта таро хул, бераш нийсача наькъ тӀа даха», - аьлар кхетаче вӀашагӀъеллараша.
