ЦӀихезача нахацара «Классера кхетаченаш»
«Классера кхетаченаш» яхача проекта чудоагӀаш, ГӀалгӀайчен дешархой таро я шоай уйлаш кхоачашъеш докхий г1улакхаш карагӀдаьннача нахаца кхетаченаш е.
Цу тайпара цхьа кхетаче хилар Наьсарен №21 йолча ишколе. Цу берашца вӀашагӀкхетар дӀадахьа вена хилар гӀалгӀай штангист, цӀихезача тренера Коазой ИбрахӀима Ӏомаваь Арсмаканаькъан Исраил.
1980 шера Сеуле дӀахьош хиннача Олимпиаде «дошув» даьккхача спортсмена дийцар дешархошта, ше цу толамга мишта кхаьчар.
«Лакхаленашка бода никъ дукхача тренировкаех чакхвала везаш ба, из ба хӀара денна дӀабахьа беза болх, даим дегӀавоагӀаш, лаьрхӀачунга кхача гӀерташ хила веза», - аьлар спорта легенда Арсмаканаькъан Исраила.
Цу кхетаче дакъа лоацаш хилар «Бералла наькъаш» яхача проекта моттигерча тароний центра говзанча Янданаькъан Арсен.
«Бералла наькъаш» яхача центре белгалдаьча беса, цу тайпарча кхетаченаша берий начӀал сомадоаккх.
