ГӏалгӀайчен дарбан моттигашка тӀахьожама болх дӀахьу, дӀа-юха доала лазар хьовргдоацаш
Укх бетта республикан унахцӀенон Министерствос, ГӀалгӀай Республикан Роспотребнадзора цхьана тӀахьожама болх дӀахьу лорий моттигашка, дӀа-юха доала лазар гучадаьнна моттиг хуле, уж кийча йий хьожаш. Из хоам бир «Сердало» газетага унахцӀено лораераша.
Белгалду, из болх дӀахьош хилар дувзаденна да, унахцӀенон дарбанчеша шоай ханнахьа кийчо яьйий хара, нагахьа санна, цӀаьхха, инфекци, Малхбузен Нила хорш оала лазар, дӀайха лазар, энтеровирусни инфекци (ЭВИ), дифтери, нӀанашца а кер чу хулача кхыча хӀамашца а дувзаденна лазар, боча лазар, кхыйолча инфекцех дола лазараш хьахьайна болх хуле.
«Тха декхар да, из хьал корзагӀдаларга цахьежар, из хьалххе а юстардаккхар. Дика да оахош тхоай кхоачамбоацараш юстардаьхача, из хьал бе-башха доацарех тийша ца дуташ. Нагахьа санна эшаш хуле, юкъарча комиссе балха чаккхе еш гучадаьха кхоачамбоацараш дӀадахара, унахцӀенон даькъ тӀара хьал чӀоагӀдара кийча хила деза», - аьлар ГӏалгӀай Республикан унахцӀенон министра Ӏалбаканаькъан Зарас.
