«Даьхен гӀулакха латт со» яха болам дӀабихьар вай мехка
«Даьхен гӀулакха латт со» яха ерригача Россе дӀахьош бола болам хьаллаьцар вай мехка. «Аьрзи» яхача лагере салоӀаш дола бераш долча баха хилар республикерча Росгварде, «Даьхен Лорбой» яхача оагӀон болхлой. Из хоам «Сердалога» бир цу гӀулакха хьалхаэттараша.
«Кхетаче гулденна хилар, Украинера бераш юкъе долаш, 300 бер. Росгварде болхлоша шоай декхарашца дувзаденна дукха хӀамаш гойтар берашта. Геттара хоза хийтар берашта моллагӀча хатара духьала, шоай дегӀамаш лорадеш, цар гойтар.
ТӀема операцен доакъашхоша берашта дийцар, мел лакха мах болаш, лоархӀаме да вӀаший оагӀув хьаллоацаш хилар, ший Даьхе езар, деналца, яхь йолаш ший вахара денош дӀадахьар.
«Даьхен Лорбой» яхача филиала берашта хьалхадаьккхар, тӀема операцен юкъе дакъа лоацаш болча бӀухой оагӀув хьаллоацаш, массахана уж дагалоаттабеш, царга дог ураоттадеш дола каьхат яздеш, хоза сурт дохьийташ хилар; лоархӀаме да тахан, аьнна.
