«Музее - берригача дезалца» яха болам ба вай мехка дӀахьош
13.08.2024 13:58
Мехкахбаьха хиннача наьха мемориальни комплексе, «Музее - берригача дезалца» яха болам ба дӀахьош. ХӀара беттацарча шинарча дийнахьа, мах боацаш, музея чулоацам бовза йиш я бахархой.
«Беррига дезал боалабеш хьабаьхка, къаман истореца дувзаденнараш довза йиш я вай бахархой. Ше хьаваьнна овла, тайп-тайпарча ханашка къаман вахаре хинна истори мишта хиннад ха йиш я хӀаране.
Иштта бола болам вай мехкарча бахархошта юкъе чӀоагӀа лоархӀаме ба, хӀана аьлча къаман истори довзар, вайх хӀаране доккха декхар да», - дийцар «Сердало» газетага музея болхлоша. «Музее - берригача дезалца» яха болам цӀаькха хьатӀабоагӀача бетта 10-ча дийнахьа хургба.
