«Абилимпикс- 2025» яха чемпионат я мехка дӀахьош
23.04.2025 10:20
ДегӀа могашал эшаеннарашта лаьрхӀа чемпионат я, укх деношка дӀахьош. Дешархой, студенташ хургба цига шоай говзал гойташ. Дешареи Ӏилмани гӀулакхех йолча Министерстве белгалдечох, «Абилимпикс» дегӀа могашал эшаеннарий начӀал, говзал гойташ оагӀув ба. Кхаь дийнахьа латтаргья чемпионат.
«Массехк тайпара могашал эшаеннарашта лаьрхӀа къахьегама говзалех йола фестиваль хургья цига, царна юкъе я «Къона суртанча», «Къона хӀамаш тегархо» яха говзалаш.
Цул совгӀа, культурацара, спортацара кхетаченаш, гойтама балхаш хургда цига», - дийцар министерстве.
