Ондаргашта юкъера, низ бола бераш хоржа яхьаш
27.08.2025 14:36
Илдарха-ГӀалий тӀарча Заьзганаькъан Идриса цӀерах йолча стадиона тӀа низ болашагӀа дола бераш хьахаржарах йола спартакиада хилар. Шахьара 30 шу дизара хетаяь яр уж яхьаш. Республикера дукха спортсменаш бар цига гулбеннараш. ХӀаравар ше-ший начӀал, говзал гойта гӀерташ вар цига.
«Кхетаче дӀахьош хиннараш – «ЕРРИГа шоу», «Безликие» яха проекташ, шахьарера мэри, спорта гӀулакхех йола министерство. Биъ оагӀонца дӀахьош яр яхьаш. Цу юкъе дар 60, 100 метрага кхоачаш вадар; турника тӀа айлуш хилар; лаьттах кулгаш ӀогӀертадеш хьалъийвалар. Иштта муш дӀа-юха увзабеш йола спорт яр цу юкъе», - дийцар «Сердалога» шахьарерча мэре болхлоша.
Шахьара 30 шу дизара хетаяь яхьаш кагирхой спорт йоаржаеча чӀоагӀа лоархӀаме хилар.
