Республике дӏахьош я, Хьоашаланаькъан Ӏаьлий йоазош дешарашта юкъера яхь
Тов бетта 25-ча денгара ардара бетта 31-ча денга кхаччалца, «Шолхи» яхача культуран ганзо дӀахьу республике, Хьоашаланаькъан Ӏаьлий йоазош дешарашта юкъера яхь. Из хургья Пригородни кхале, яхаш, дийцар «Сердало» газетага ГӏалгӀай Республикан ИЗО музея зарбан болх лелабераша.
Яхьа керттера маӀан - поэта, прозаика, суртанча, философа, гуманиста Хьоашаланаькъан Ӏаьлий бӀаьхийча кхолламга гӀолла гӀалгӀай мотт боаржабар. Цига дакъа лаца йиш йолаш ба ГӏалгӀайчен, ерригача Россе, иштта доазол арахьарча моллагӀча мехка бахаш бола, тайп-тайпара ханаш йола нах.
Литературни яхь дӀахьу кхаь тоаба йийкъа: юкъера тоаба-10-14 шу; йоккхагӀа йола тоаба-15-18 шу, иштта къаьнагӏчар тоаба.
Наха цунна юкъе дикагӀа дакъа лоацаргдолаш, «Ладувгӏарашта дукхагӏа езаеннар» яха совгӀат лургда.
