Юртбоахама яхье дакъа лоацараш хоржаш ба
24.06.2024 16:28
ГӀалгӀайче дӀахьош ба дикагӀа болча доалахьарча боахама яхье дакъа лоацаш бараш хоржаш бола болх. Укх кӀира хьалхара дакъа йистедаьлар, яхаш, дувц «Сердало» газетага Шолжа-Шахьара мэре.
«Яхьашка дакъа лацарах, бахархой таро хургья, шоай къахьегама чаккхе йовзарал совгӀа, из болх дӀахобахьа Ӏаьдалгахьара ахчанца таро тоае.
Сурташ е гойтама материалаш доал деча даькъ тӀа дӀаяла еза. ХьатӀабоагӀа бутт чакхбоалаш, цу яхьашка котбаьннарий цӀераш ховш хургья», - аьлар администраце.
Белгалду, керттера кхо моттиг яккхарал совгӀа, цу юкъе кхы а мах бола 20 совгӀат хургда.
