«ШоллагӀча даькъа юкъе хургдола бераш да тахан хоржараш. Лакхерча, юкъерча, лохерча классашка дешаш долча берашта юкъе дӀа-хьа екъаргья моттигаш. Итт сагах латташ хила езача хӀара тоабанна юкъера бераш, цхьан ханара хила деза. Вайцигарча Хьалхарчар ши тоаба хургья цига. Эггара зӀамагӀбараш - 8 шу даьнна.

«Зарница 2.0» дӀахьош да, бераш шоай Даьхе езаш, цун сий деш кхеде дагахьа. Дешархой Ӏомабу лозаваьча сага эггара хьалхара гӀо де, эрий ара цхьаь бисача фу де деза, киберкхерам тессарашца гӀулакх мишта леладе деза», - дийцар тха газетага.

 Саькура бетта 23-ча дийнахьа хиннад ловзар дӀадоладалар, вешта аьлча, юхьиг. Онлайн-кийчонах чакхдаьннад бераш тахан. Укх шера вай республикера цу юкъе дакъа лаца йиш йолаш ва 100 саг.