Мекка гойташ да «Цӏе зигаш» яха кино
Яндарерча культуран ЦӏагӀа кхетаче хилар, из хетаяь яр Гӏирма тӀема хана лораяра 85 шу дизара. Из керттера цхьа дакъа да Сийлахь-боккхача Даьймехка тӀема.
«Салоӏача юкъа кино хьажар» яхача лаьрххӀача кагирхой тӀема-исторически фестивала программанна чудоагӀаш, хьажа баьхкарашта гойтар режиссёра Белосохов Дмитре даьккха «Цӏе зигаш» яха исбахьален фильм, Цо кхоачаву тӀема шерашка, из гойташ да Коталон низ, сага денал.
Хьожаш хиннарашта чӏоагӀа дезадалар из. Ши бӀаь гаргга саг вар цига вена: дешархой, боккхагӀбараш. Уж, йоккха терко тӀайохийташ, турпалхошца цхьана саготдеш, хьежар котало яккхарга. Цу кинога хьажаро юха а кердача оагӀорахьа уйла яйтар нахага, цу ханашка вай советски халкъа тӀабенача балан, цар сий дир моастагӀчох вай хьамсара мох кӀалхарбаьккхарий, из лорабеш лаьттача бӀухой», - аьлар «Сердало» газетага Яндарерча культуран Цӏен исбахьален кулгалхочо Йовлой Мадинас.
Кино гойтаро белгалдир, исторически дагалоаттам биццабар, из искусствай оагӀонга гӀолла гойтар лоархӀаме долга.
