ГӀалгӀай мехка пенсионерашта лаьрхӀа, бокъонаш йовзара марафон дӀахьош я
15.11.2023 22:59
ГӀалгӀайчен сага бокъонаш лораяра декхарийла яьча аппарата болхлоша, Россе моттигерча социальни ганза отделене болхлоша, «Пенсионерашта бокъонаш йовзара марафон» яхача проекта чуйоагӀаш, лаьрхӀа кхетаче йир, из дӀаяхьа дагадехар яр Россе бахача наьха бокъонаш лораяра йола викал. Шоай хьехам лу вӀашагӀкхетар цо дӀадихьар ГӀалгӀайчен Наьсарен кхалерча Яндаре. ХӀанз аргӀа я МагӀалбикага.
«Хьа мел венача сага новкъостал дир пенсионни Ӏодужар оалача даькъаца, пенси хьадолалуш къахьегама стаж дӀалархӀарца, социальни пенси эцара хьалашца, иштта кхыдолча дешашца дувзаденна хаттараш тоахкаш. Цул совгӀа, кхаь сагагара дехараш хьаийцар, пенси хьадалара бокъонаш телхаяь хиларца дувзаденна дар уж. АргӀанара нах тӀаэцаргба - пенсе баха ха яраш а иштта пенсионераш а - лайчилла бетта 16-ча дийнахьа, МагӀалбика шахьара МФЦ, 14 сахьат даьлча денз 17 сахьат даллалца», - аьлар ГӀалгӀайчен УПЧ аппарата хоамий-аналитически даькъ тӀа.
