«Эггара дукхагӀа дезаш дола поэтически йоазув» яха бахархошта юкъера хоаттам ба, вай мехка дӀахьош
Дерригача дунен поэзе денна хетабаь, хоаттам бар вай респблике дешареи Ӏилмани гӀулакхах йолча Министерствос дӀахьош. Ялх йоазонна юкъера, шоай дегашта эггара гаргагӀдар хьахаржа дезаш бар вай мехкахой. Из хоам «Сердало» газетага бир цу моттигерча болхлоша.
«Таханарча дийнахьа дуккханешта дезаденнарех да Лермонтов Михаила «Мцыри» яха цӀихеза йоазув. 32% наха из да аьлар шоашта дезаденнар. ШоллагӀча лагӀа тӀа эттар Пушкин Александра «Евгений Онегин» яха байташца язъяь роман (26%). 16% наха хержар Есенин Сергея «Кхалсагага яздаь каьхат».
10% кхаьчар 1914-ча шера кхеллача Цветаева Маринай, Маяковски Владимира байташта. ХӀаьта Блок Александра язъяь «Бийса, урам, лампа, аптека» яха байт езаеннараш 6% кхоачаш бар», - йоах тхогарча хоамо.
Дерригача дунен поэзе ди вай дездир бӀаьстан хьалхарча бетта 21-ча дийнахьа. Тесса Суизи яха байтанча я 1938-ча шера из чӀоагӀдаьр.
