Полиомиелит яхача лазара духьала маьхий тохаш ба вайцига
14.03.2025 09:48
Лораша даггара хьакхайкадеш латт, мехка хала лазараш даржаргдоацаш, де йиш йола хӀама маьхий тохар да яхаш. РФ унахцӀенон гӀулакхех йолча министерство къоастадаьча тайпара дӀахьош ба из болх тахан.
Илдарха-ГӀалий тӀарча поликлинике белгалдечох, хӀара дийнахьа 20 гаргга долча бера маьхий тох цар. Белхами цӀогӀарчи шортта хул, бакъда лораша ахкаргаш, ловзоргаш телаш меттабоалабу зӀамига хьаьший. Маха тохале, пехкашка ладувгӀ, дегӀа йӀовхал юст цига.
«Эшаш мел йола вакцина тха поликлинике йолаш я, боаггӀача боараме да цун лораяр а. Шера кхозза, 30 ди юкъедуташ, тоха деза маьхий. Тоха йиш йоаца бахьанаш а да, бакъда уж наггахьа мара нийслуц, цох хоадам бер лор ва», - дийцар тхога шахьарерча лораша.
