«Кавказа лоамаш хьамсара да сона» яха гойтам ба вай мехка дӀахьош
14.01.2025 09:25
Кавказаца, къаьстта ГӀалгӀай, Нохчий мехкашца бувзабенна болча, цӀихезача байтанчан Лермонтов Михаила кхоллама наькъах дувцаш бола гойтам хьабийллар мехкахбаьхача наьха Мемориальни комплексе.
Культуран гӀулакхех йолча минестерстве белгалдечох, гойтамера хӀамаш еннар Пензенски областера «Тарханы» яха паччахьалкхен Лермонтова музей я.
«Цига баьхкарашта бовзаргба Кавказаца хоттам бола исбахьален литературан йоазош Лермонтова кхелла никъ. Гойтаме хьокха оттадаьд цун говзаме, боккха чулоацам бола йоазош», - дийцар министерстве. Укх бетта 20-ча денга кхаччалца хургба гойтам, Пушкина картага гӀолла цига баха йиш йолаш ба бахархой.
