ГӏалгӀай мехка балха говзал харжа гӀо ду
21.10.2024 16:26
Вайцига керттера теркам тӀабохийтача дешаех да бераш массайолча оагӀорахьа дегӀадоаладар, царна хургйола балха говзал харжа новкъостал дар. Цу хьакъехьа юкъарча дешара моттигашка берашца къамаьл ду тайп-тайпара балхаш деш болча наха, яхаш, дийцар «Сердало» газетага «Хьалхарчар болама» бувзамаш леладеш волча Налганаькъан Рамзана.
«Укх деношка, «Хьалхарчар болам» яхача моттигерча даькъа говзанчаша Барханой Фатимас, Гӏулой Мухьмада къамаьл дир Инаркъерча №12 йолча юкъерча ишкола боккхагӀа болча дешархошца.
Хьаьшаша дийцар шоаш болх мишта хержар, керттера декхараш малагӀаш оттадаьдар, малагӀа халонаш нийсъелар», - йоах кепайоазонга из хоам баьчо.
Цо яхачох, кхетаче дика чакхъяьлар, шоашта бакъахьа хетар дӀа-юха а оалаш.
