Сталинграде лаьттача тӀема хетаяь кхетаченаш ю вай мехка
02.02.2025 13:18
ГӏалгӀай паччахьалкхен мехктохкама музейна чуйоагӀача Серго Орджоникидзе цӀерагӀча музея болхлоша Шолжа кхален Мужеча дӀайихьар, Сийлахь-боккхача Даьймехка тӀема хана эггара чӀоагӀагӀа дов лаьттача Сталинграда хетаяь кхетаче, яхаш, дийцар «Сердало» газетага ИГМК.
Дешархошта дайзар тӀемах лаьца дукха кердадараш, из цу хана тӀем тӀа лаьтта хьал хувцалуча керттера моттиг дӀалоацаш хиларах.
«Вай кхоане сийрда хилийта латаш, моастагӀчоа духьаллаьттарий цӀераш йицъе йиш яц. Кхетаче дӀаяхьара керттера маӀан дар, дешархошта шоай Даьхен истори дикагӀа довзийтар, вай турпалашта карагӀдаьннар диццадалийтар», - аьлар из болх вӀашагӀбеллараша.
