Инаралах Налганаькъан Э. А. дувцаш бола гойтам дӀахьош ба вай мехка
Российски императорски эскаре инарал-майор волаш хиннача Налганаькъан Аьамарзий Элберда вахара никъ бовзийташ бола гойтам дӀабихьар мемориальни комплексе. Къаман исторе сийрда лар йита саг ва Налганаькъан Элберд.
«Дошо Георгиевски герз денна хиннав Элберд. 1904-ча, 1905-ча шерашка лаьттача эрсий-японски тӀема юкъе дакъа лоацаш хиннав из, хьалхарча дунен тӀем тӀа хиннав. Эггара цӀихеза болча инаралашта юкъе йизза моттиг дӀалаьца саг ва вай мехкахо. Гойтаме хьокха оттадаьд цун сурташ, вахара никъ бовзийташ дола каьхаташ», - дийцар «Сердало» газетага мемориальни комплексе.
Къаман турпалхой цӀераш йовзар, къаман истори лархӀар да. Иштта болаш лаьттача мехкахоша хьабена никъ бицбе йиш яц вай тахан. Вай кхувш латтача тӀехьенна а, доккха масал хургда цу денал долча нахах.
