Республикерча банка болхлочо 35 млн сом ахча лочкъадаь хилар, гучадаьккхар Ӏаьдало
10.09.2024 14:54
Банка кассера 35 млн сом ахча дихьа мехкара вахархо гучаваьлар. Ревизи дӀайихьачул тӀехьагӀа, ахча эшилга хайнача банка кулгалхочо полице болхлой оарцагӀбаьхаб. Из хоам «Сердало» газетага бир республикерча Россе МВД викалаша.
«Ахча довра бахьан тахка эттача, Ӏаьдала болхлоша, тешаме ца хеташ, дӀалаьцар банке болх беш вола 35 шу даьнна Магасера вахархо. МВД болхлошта гучадаьлар, дӀадахача шера Ӏан шоллагӀча бетта из ахча цо пакета чу делла банкера арадаьккхалга.
Из къайладахьа гӀерташ, ахча цхьацца гӀулакхашта дӀа-хьа хьожадаьд, аьнна, хеталургдолаш бакъдоаца хӀамаш юкъекхихьад цо банка программанна», - дийцар тха газетага. Ахча дихьар карарча хана Ӏаьдала кара ва, лочкъадаьча ахчах цо фу даьд тохкаш ба МВД болхлой.
