«Эбарга-Юртарча керттерча хин турбашта доккха хатар хилар. Керттерча насосий станце болх юхасоцабе безаш дар гӀулакх, дуккха нах хий доацаш бисар. Бийсан къахьега дезаш хилар цига, хатар юстардоаккхаш.

Цунга хьежжа, марха даста моттиг къоастайир царна сийнача бӀаь тӀа, сигаларча седкъашта кӀалха. МоллагӀча хана хатар ийккхача, шоай балха сиха арабоал водоканала къахьегамхой.

Ди-бийса ца къовсаш, болх беш ба уж нах. Ишттачарна эггара дикагӀа бола салоӀам боагӀа, цхьаккха хӀама кхо дац цу мугӀарерча болхлошта.

Белгалде деза, цхьа моттиг тоаяь боаллашехь, кхыйола моттиг царга хьежаш хулилга.