ГӀалгӀай мехка вахар хьаллаца телача ахчашта тӀагӀолла лелабу тийшаболх гучабаьккхар
Наьсарен кхален бокъонаш лораеча болхлоша гучадаьккхар, вахаре гӀо де телача ахчанца тийшаболх лелабаь хилар. Хьем боаццаш болх дӀабахьарах гучаяьлар бокъонах доацаш, 380 эзар сом совгӀа ахча ийдеш хиннар.
«Цу гӀулакха бехке хилар моттигера яхархо, 2003 шера ахча бахьан долаш харцахьарча наькъ тӀа яларах. Зуламера болх цар дӀахьош хиннаб иштта: шийна вовзаш волча сагага гӀолла цу кхалсага, бокъонах йоаца прописка яьй Ямало-Ненецки автономни куран цхьан юрта, цигара бокъонах ца доагӀаш дола социальни ахчаш ийдаьд цо, 2003 шера тов беттагара 2004 шера наджгоанцхой беттага кхаччалца, зӀамигача пхе бера. Бакъда цу юкъа, е из а е цун дезал а республикера арабаьннабац», - аьлар «Сердало» газетага ГӀалгӀайчен МВД зарбан болх лелабераша.
Бокъонаш лораеча болхлоша хьатӀайийхачул тӀехьагӀа, цо из бакъдир. Наьсарен кхале гӀолла йолча Россе ОМВД лоткъама отдело хьадийллар уголовни гӀулакх РФ УК 3 даькъа 159.2 статьях (ахчанца дувзаденна зулам дар).
ХӀилла лелаеча кхалсага духьала чӀоагӀо йир, из хӀаманга гӀоргйоацаш, цо таро лургья из гӀулакх дӀахо тахкара.
