ГIалгIай мехка тохкаш да, балхах ца боагIа пайда эцарах дола гIулакх
24.06.2025 15:34
Наьсарен-Шахьаре гIолла йолча Тохкама комитета болхлоша дIадоладаьд уголовни гIулакх. Из дувзаденна да цхьан предприяте филиала кулгалхочун декхараш кхоачашдеш волча сага духьала, яхаш, дийцар «Сердало» газетага цу моттигера.
Тохкамхоша яхачох, цо шийна болча пайданна 53 шу даьнна ший гаргара саг балха оттайир керттерча бухгалтера дарже, цунна из болх ховш боаццаше а.
ХIанз тохкама болхлой из гIулакх довзара бола болх дIахьош ба.
ГIулакх хьадийллар ГIалгIай Республике гIолла йолча МВД, ФСБ болхлоша из бехкевеш дола тешалаш чуденначул тIехьагIа.
