Ишкол хьалъеш диа ахча гучадаьккхар Ӏаьдала болхлоша
20.05.2024 09:44
Ишкол хьалъеш, бокъо йоацаш диа ахча гучадоаккхаш, болх дӀахьош ба Илдарха-ГӀалий тӀа МВД болхлой. Из хоам «Сердалога» бир бокъонаш лораяра оагӀон болхлоша.
«ДӀабихьача балхо гучадаьккхар, 2019-ча шера Илдарха-ГӀалий тӀа ишкол хьалъеча хана, гӀишлой балхах йолча Министерствонга, дӀабахьа безача балхах дола нийса доаца каьхаташ гойта хилар.
Коммерчески моттига кулгалхочун чота тӀа дӀатӀадахьийтача ахчах, 790 эзар сом совлен хиннад», - йоах хоамо. Из гӀулакх ма дарра тохкаш ба бокъонаш лораераш.
