ГӀалгӀай мехка тоалуш боагӀа наьха дехарашца бу болх
ГӀалгӀай мехкара доал дара Центр дегӀайоагӀаш хиларах, лакхлуш доагӀа бахархой дехарашка хьажарца дувзаденна хьал а. Цул совгӀа, доал деча даькъ тӀара таронаш лораяра бола болх дика вӀашагӀбелла хиларах, наьха хаттараш а кӀезигагӀа хулаш доагӀа, яхаш, дувц ГӀалгӀай Республикан Кулгалхочун, Паччахьалкхен зарбан болх лелабераша.
Наха гӀулакх деча балха даькъ тӀара хьал лакхлуш хилара керттера бахьан да; ЦУР, моттигерча администрацеца цхьана, шоай болх дика дӀахьош хилар. ГӀалгӀайчен Кулгалхочо Келаматанаькъан Махьмуд-Ӏаьлас белгалдир, лаьрххӀа дола толамаш дахар, болх дӀахо дегӀабоалабар лоархӀаме хилар.
Белгалду, бахархошта лоархӀамегӀа долча хаттарех да ЖКХаца, энергетикаца, наькъашца дувзаденнараш.
«Урхаллен центро хӀанз шийна могаш дола къахьег, нахацара бувзам чӀоагӀбеш, цар хаттараш доаггӀача говзанчашка кхачийтара, уж сихагӀа кхоачашдергдолаш», - аьлар Мехкадас. Цо иштта тӀатехар, Ӏаьдалца къамаьл дара болх атта хила беза, къаьстта ЖКХ дешаш, наькъашца дувзаденна хаттараш дувцача хана.
