Лоалахошта юкъера, лаьттан тӀагӀолла баьнна цатоам дӀабаьккхар
07.11.2024 14:36
ГӀалгӀайчен «Даьхен лорбой» ганзо новкъостал дир, Илдарха-ГӀалий тӀа бахача лоалахошта юкъера лаьттан тӀагӀолла этта цатоам къоастабе, яхаш, дийцар «Сердало» газетага цу ганза викалаша.
«ЛаьрххӀача тӀема операце дакъа лоацаш волча бӀухочун нанна Т. Миланайна хьалхашка вахарера хаттар эттар. Ший цӀагӀа кхыбола маӀа нах цахиларах, ганза болхлой юкъебоалабир цо доазонца ювзаенна моттиг къоастаяра. Цу тайпара, шаккха а оагӀув раьза а йолаш, бокъонах ца йоагӀаш юкъе хьалъяь хинна карт дӀаяьккхар», - аьлар хоамо.
