Промышленни туризм йоаржаеш ба мехка
11.09.2025 10:45
«4БРА» яхача хӏамаш тегача фабрике берашца экскурси дӏайихьар туризмах йолча мехкарча комитето; промышленностах, таьрахьашца дувзаденнарех йолча министерствос. Из хоам «Сердалога» бир цу гӏулакха хьалхалаттараша.
«Экскурси дӏахьош, «Дикача наьха клуб» яхача оагӏонца бувзам барашта дийцар хӏамаш тегача моттиге дӏахьоча балхах. Массехк даькъах латташ яр экскурси. Эггара хьалха бераш дӏачудигар хӏамаш тегаш бараш къахьегаш боахкача моттиге, цул тӏехьагӏа таханарча технологешца дувзаденнараш дайзийтар царна», - йоах тхогарча хоамо.
КДЛ ганза болхло йолча Субботина Екатеринас белгалдечох, иштта йола экскурсеш кхувш боагӏарашта чӏоагӏа лоархӏаме я, вахарера гӏулакхаш довзара тӏехьа.
