Вайцига кхоачашъеш я, «Профессионалитет» яха федеральни проект
ГӏалгӀайчен дешара, Ӏилман министр Цхьорой Ахьмад-Башир ваха хилар ГӏалгӀайчен политехнически Ӏарпенаькъан Ю.И. цӀерагӀча колледже, цига «Профессионалитет» яха федеральни проект мишта кхоачашъю хьажа. Из хьежар материально-технически даькъ тӀара хьал миштад цу дешара моттиге, иштта цун къамаьл хилар колледжа кулгалхошца дешара-производствон даькъ тӀа «Доагора-энергетически комплекс хьакхоллара тӀехьа». Из лоархӀаме дакъа да юкъера профессиональни дешар дегӀадоаладеча, иштта говзал лакха йола болхлой доагора- энергетически даькъ тӀа кийчбеча.
Цига из хьежар дешара-балха майдашка, дӀахьош долча тоадара балхашка, таханарча заман гIирс оттабеча. Цо белгалдир, проект кхоачашъяр айхха бувзам болаш дӀахьош да мехка болх лоаттаберашца, цу юкъе я «Ингушнефть» АО, из лаьрхӀа я лакха говзал йола болхлой кийчбара, экономико дӀадехачоа жоп дала ховргдолаш бола. Цу тайпара хьал хьакхолларо таро лургья дешара, балха юкъера бувзам чӀоагӀбе», - аьлар Сердало» газетага ГӏалгӀайчен дешара Министерстве.
«Профессионалитет» яха федеральни проект, лоархӀаме гӀирс ба Россе профессиональни дешара даькъ тӀа. Цо хьакхолл Ӏомалуш бола болхлой кичбара кеп, из ший аргӀагIа таро луш хургья мехка экономика дегӀайоалаеча доккхий толамаш даха.
