ГӏалгӀай мехка кхоачашъеш я «ПРОМ-тур» яха проект
ГӏалгӀай Республикан кагирхой цхьанкхетарий ЦӀа кхоачашъеш да «ПРОМ-тур» яха проект, из лаьрхӀа я кхувш йоагӀача вай тӀехьено тайп-тайпарча даькъ тӀара болх Ӏомабергболаш, уж къахьегама тӀера хургболаш, яхаш, дийцар «Сердало» газетага цу организаце.
«Цу проекта чуйоагӀаш аргӀанара экскурси дӀайихьар Шолжа шахьара Дукха говзалаш Ӏомаеча колледже. Таьрахьий дегӀаахара Академе хинначул тӀехьагӀа, студентий таро хилар деррига юкъедоаладаь кердадараш го, цу даькъ тӀа ӀТ говзанчаш Ӏомабар мишта хургда ха, - аьлар ГӏалгӀай Республикан кагирхой Цӏен кулгалхочо Ведажанаькъан Зоврбика.
Царна дийцар таханарча заман дешар мишта дӀахьоргда, цо наьха сакхетам мишта лакхбу, кердадар лахара а тоабашца уйла яр мишта хул. Из дӀахьокхаш хиннараша терко тӀаяхийтар хургйолча профессена, дешара даькъ тӀа къердаш хургдолчоа.
