«Культураш ювза «Этника» оала керттера моттиг»
«Культураш ювза «Этника» яха керттера моттиг». Иштта цӀи йола проект йоаржаеш ба вай мехка. Йоккха библиотека хьайийллар кагирхой кхетачен цӀагӀа. Из хоам «Сердалога» бир цу моттигерча болхлоша.
«Ха дӀаяха, керда моттиг Ӏалашъяь хилар хьаллоацаш, «Книжкаш - культуре» яхача боламе дакъа лаца бех мехка бахархой, хьаьший. ГӀалгӀай къаман истори, культуран дозал лорадара тӀехьа дӀахьош болх ба из. Кавказе дахача къамий Ӏадатех, оамалех, исторех лаьца дукха хӀама довзаргда бахархошта, иштта совгӀата книжка дита йиш я цар», - дийцар тха газетага.
«Къаман истори, культура довзийташ бола кхуврч ба тха библиотека. Из хьаллаца мел эттарашта баркал оал оаха. Къаман лоархӀамедараш, эздий Ӏадаташ лорадеш, хьалкхувш латтача тӀехьенга дӀакхачийта деза вай», - дийцар кагирхошца болх беш волча Галменаькъан СаӀида.
