Кагирхой хьаллоацаш, проекташ я вай мехка
26.12.2024 09:24
ВДДВ «Хьалхарчар болам» яхача оагӀоно дӀахьоча балхаца ювзаяь кхетаче дӀайихьар, республикан Мехкадаь декхараш кхоачашдеш волча Сластенин Владимира кулгал деш. ВӀашагӀкхетаре дийцар, кагирхой моттигаш хьаллоацаш, 2025-ча шера дӀабахьа безача балхах. Из хоам «Сердало» газетага бир цу юкъе дакъа лоацаш хиннараша.
«Кагирхоша дӀахьош бола болх хьаллоацаш хила еза ерригача Россе а моттигашкара а проекташ. БоаггӀача боараме болх дӀабахьаро тоадергда цу мугӀарера гӀулакхаш», - йоах тхога бенача хоамо. Кхетаче дийцар, кагирхой оагӀоно дӀабихьача балхах, цунна карагӀдаьннарех, иштта хьоахадир тахан хьалхашка латтача халонех, кхоачамбоацарех.
