МагӀалбика кхален хицара гӀулакх кхоачашдеш латт
ГӀалгӀай Республикан Паччахьалкхен йоккхача кхетаче, МагӀалбика кхален хицара гӀулакх кхоачашдарах дийцар. Керттера терко тӀаяхийтар Шолжа-МагӀалбика хин турбашта, цу юкъе кердача насосий гӀирс баккха безарах, цо ший аргӀагӀа таро хулийтаргья цахадаш хий лоаттаде бахархошта, яхаш, дийцар «Сердало» газетага ГӀалгӀайчен Кулгалхочун, Паччахьалкхен зарбан болх лелабераша.
«Вай кхетаду, йӀайхача хана хицара гӀулакх лоархӀаме хилар. Из наха цахаддаш лоаттадара, дукха балхаш юкъедаьхад, цу юкъе да гӀувнаш яхар, хий дӀа-юха кхоачаш хургдолаш хьалаш тоадар», - аьлар ГӀалгӀайчен Кулгалхочо.
Шолжа-МагӀалбика доккхагӀа долча хин даькъ тӀа каптажи ши гӀув яккха лаьрхӀад, цо таро хулийтаргья ахкан замалахьа Южнера, Махьмад Хи тӀара хицара хьал тоаде.
ХӀанззе болабеннаб хицара болх кхоачашбе: Наьсарен шахьара хин турбаш хийцай, Йоккхача Ачалкхе, Заьзганаькъан-Юрта, Юкъерча Ачалкхе, ТӀой-Юрта даьд уж балхаш.
