Даим ток лоаттаергйола гӀирсаш оттадергда мехкарча 80 совгӀа моттиге
02.08.2024 10:31
Республикерча тайп-тайпарча моттигашка, 80 совгӀа массаза ток лоаттаергйола гӀирс оттабе лаьрхӀад. Из хоам «Сердалога» бир прокуратуран болхлоша.
«Тохкам беш дӀабихьача балхо гучадаьккхар, мехкарча 82 моттиге (уж я ишколаш, берий бешамаш, дарбанчеш, иштта кхыйола моттигаш), цӀаьхха ток дӀайоайича, иштта хатар нийсделча, кийча долаш ток лоаттаю гӀирсаш доацилга. Республике хӀанз а къоастадаьдац, цӀаьхха ток дӀаяйча экономикан, экологен, вахара оагӀонашца мел зе хургда», - йоах хоамо.
Уж кхоачамбоацараш юстардахара тӀехьа; тока, ЖКХ оагӀонцарча балха кулгалхочунна, иштта кхыболча хьакимашта ма хулла сихагӀа де дезараш хьалхадаьхар республикерча прокуратуро. Цу балха лакха тӀахьожам беш да Ӏаьдал тахан.
