СВО доакъашхочун да-нана санаторе дарба деш хилар
13.11.2025 10:48
«Даьхен лорабой» яхача ганза болхлоша гӏо деш, санаторе салаӏа баха аьттув баьлар СВО доакъашхочун даь, наьна. Из хоам «Сердалога» цу моттигера бир.
«Бӏухошта, цар дезалашта новкъостал лоаттадеш, терко еш йолча программага гӏолла, тӏема доакъашхо ше бувзаме ваьнна, заӏапхой болча ший даьна-нанна санаторе баха гӏо де аларах, из гӏулакх чакхдоаккхаш хилар ганза болхлой. Кавказера Минеральни хишца ювзаеннача курорта кулгалхошца бувзаме яьнна, из вӏаштӏехьадоаккхаш хилар «Даьхен лорабой» яхача ганза болхло йола Беканаькъан Мадина. Ессентуки салоӏаш, дегӏа могашал меттаоттаеш хилар бӏухочун да-нана», - йоах тхога кхаьчача хоамо.
