CВО бӀухочун даьшта новкъостал дир санаторе дарба де баха
«Даьхен лорбой» ганза вахара хьалашка хьожаш волча Беканаькъан Фатимас новкъостал дир ЛаьрххӀача тӀема операцен ветерана даьшта Кисловодске санаторе дарба де баха, яхаш, дийцар «Сердало» газетага ганза зарбан болх лелабераша.
«Дукха ха яцар Оалкама вахача Йовлой Абабукара, ший да-нана санаторе дахийта аьнна, заявка йита. Из дешага хьажа эттар хьалаш Ӏалашду Беканаькъан Фатима.
Цу тайпара, ГӀалгӀай Республикан Министерствон новкъосталца, цхьан кӀира квота яккха йиш хилар цар шоашта дарба дергдолаш», - аьлар хоамо.
Белгалду, Абабукар хиннав штурмовой отряда 242 полка сержант. Кертах герза гарг кхийтта а дегӀа човнаш яь а хиларах «ВОКГВВ» ГБУЗ стационаре дарба деш хиннав из.
Бакъда дикагӀа хилча из юхавахар тӀем тӀа. Дика ший тӀема декхар кхоачашдеш хиларах цун еннай «Майралах» яха мейдилг, иштта «ЛаьрххӀача тӀема операце доакъашхо» яха майдилг а.
