«Мехка эггара лоархӀамегӀа дола Коталон ди хьатӀадоагӀаш, ГӀалгӀай Республике гӀолла йолча тӀема гӀулакх каралаьцарий урхаллен викалаш дакъа лоацаш хилар, «Денала эстафета» яхача болама чуйоагӀаш, Сийлахь-боккхача Даьймехка тӀема доакъашхочун Медаранаькъан Мухьмада фусама юхе парад дӀахьоча.

Даькъ тӀарча органа болхлоша, къонача эскархошца цхьана, дакъа лаьцар хьалха гӀолла лаьрххӀа чакхбалара юкъе, Росгварде тӀема оркестр а йолаш шоашца», - йоах хоамо. Медаранаькъан Мухьмад 1942 шера Белоруссе хьожаву, партизански болам вӀашагӀболла, бакъда цох, дукха ха ялале, дукхача къамех латтача партизански тоабан командир хул, цун кара цхьа бӀаь бӀухо вар. Цунна «Денал гойтарах» яха Даьймехка тӀема Ӏ-ча дозала орден елар.

ГӀалгӀай мехка дуккхача шерашка лоархӀаш да, вай даьша моастагӀчунгара котало яккхар, дега йӀовхалца дагалоаттаду царна карагӀдаьннар а, хьамсарча Даьхенна кхоане лораеш шоай синош цига Ӏодаьхкараш а.