Спортивни яхьашка Росгварде шоллагӀа моттиг яьккхар
28.06.2024 15:21
ГӀалгӀайчен Росгварде команда, цхьа гӀа мара ца эшаш, гарга яр Ерригроссийски физкультурно-спортивни «Динамо» яхача юкъарлон мехка совета яхьашка котало яккхара, яхаш, дийцар «Сердало» газетага къаман эскара зарбан болх лелабераша.
«Массахана Ӏомалуш хиларах, дегӀа дика нийсбенна бола доазон тӀара бокъонаш лораю болхлой шоллагӀча лагӀа тӀа эттар.
Низ гӀортабарах долча спортивни даькъе а дикагӀчарех хилар уж. Юкъара дӀалаьрхӀача, ФСБ, МВД, МЧС, Росгварде, ПУ ФСБ, ФССП говзанчаша диъ спортивни тайпах шоашта карагӀдоалар гойтар», - аьлар хоам баьчо.
Физически кийчон, спорта даькъах волча кулгалхочо Темарханаькъан Мухьмада яхачох, хӀара цу тайпарча яхье балха новкъосташа дика толамаш гойт.
