10 млн ахча диад республикерча потребкооператива кулгалхочо
08.07.2024 12:07
Республикерча ганза ахча 10 000 000 диача сага гӀулакх тохкаш да Ӏаьдал. Из хоам «Сердалога» бир МВД болхлоша.
«Кооператива кулгал деш лаьттача мехкахочоа духьала, из бехке веш дола гӀулакх хьадийллар Ӏаьдало», - йоах хоамо.
Тохкама болхлоша белгалдечох, дӀадахача шера аьхки юртбоахаме эшаш йолча машинашта, тайп-тайпарча гӀирса лаьрхӀа ахча эца бух боаца каьхаташ тӀаденад цу сага, юртбоахама гӀулакхех йолча Министерствонна. Къаман проектага гӀолла республикерча ганзера 10 млн ахча дӀаденнад цун, хӀаьта цо из ахча шийна товчча беса дехкад.
