ГӀалгӀай мехка, хала хеташ, тӀаийцар Токмаке хинна хатар
Запорожски областа Токмакски кхален новкъостал лоаттадеш йолча ГӀалгӀайчено, хала хеташ, тӀаийцар цига Украина оагӀорахьара ракета чутеха, нах боабаь хилар. Террористий никъ ба из ца аьлча, кхы ала хӀама дац цох - ракеташ лаьрххӀа нах дукхагӀа кхотабенна бахача чутехай, цига цхьаккха тӀема гӀишлош а яц.
Нах байнаб, цӀенош хоарцадаьд, шахьара хьалаш толхадаьд. Ди-бийса даьннад, Токмаке террористаша зулам даьча моттиге, нах лостам беш боахка. Нах кӀалхарбоаха болхлой, са ца лоӀаш, къахьегаш ба, хаьрцача гӀишлошта кӀалха саг вий хьожаш. Цу болхлошта эшаш мел дола гӀирсаш долаш да. ДӀахо кӀалбисача дезалашта новкъостал лоаттадара болх а вӀашагӀбеллаб, вахаре эша новкъостал дергдолаш да, дохадаь цӀенош меттаоттадергда. Мел эшаш дола новкъостал хургда наха», - аьлар ший телеграм-канале Запорожски областа губернатора Балицкий Евгене.
ГӀалгӀайчено а Токмакски кхален эшаш дола новкъостал лоаттаду, гуманитарни гӀо деш, эшаш йола техника, говзанчаш цига дӀахьежабеш, цар новкъостал ду, вахар хьалха мо меттадоаладе. ГӀалгӀайчени Запорожски областаи юкъе бувзам лелабара баь барт ба.
