Юхь тӀа човнаш йола бархӀ шу даьнна кӀаьнк Ӏочувоалавир дарбанче
26.08.2025 09:10
Юхь тӀа дикка човнаш хинна бархӀ шу даьнна кӀаьнк Ӏочувоалавир, Республикерча берий клинически дарбанче. Из хоам «Сердалога» бир унахцӀенон гӀулакхех йолча министерстве.
«КӀаьнкага хьежача лораша белгалдечох, из дикка лозаваьв. КӀалхара мочхал кагдаьд цун, юхь йохаяьй. Министерствон хьалха латта Ӏалбаканаькъан Зара ше тӀахьожаш я цу гӀулакха», - дийцар тха газетага.
Бера хьал хинначул аттагӀа да карарча хана. ЭттӀавара балхах дувцаш, цхьаццадараш къоастадеш ба тахан лораш.
Даьшка, ноаношка кхайкарал ду лораша; шоай берашта тӀахьожаш, цар салоӀаш йолча моттигий хьал миштад хьожаш хила, яхаш. Берашта ловза къоастадаь доазош кхерамзлен хьал лертӀа долаш хила деза, боккхийбараша теркалде деза из массахана.
