Де доацаш вайнача СВО бӏухочун дезала гӏо дир вай мехка
29.09.2025 10:32
Тӏема аренашка де доацаш байначарна юкъе волча бӏухочун дезала новкъостал дир «Даьхен лорабой» яхача ганза болхлоша. Из хоам «Сердалога» бир цу моттигера.
«Пхьугой Мухьмада цӏен-нана, бераш халача хьале да тахан. Ахча цахиларах, цӏагӏа шоашта хӏара денна эшаш йола хӏама эца аьттув боацаш бар уж. Магӏалбике цу оагӏонцара болх дӏахьош волча Коазой Хьамида эшаш мел йола хӏама ийца, ше дӏайихьар царна; цул совгӏа, ӏаьдалгара царна ахча хьаухаргдолаш каьхаташ кийчде эттар из. Пенсионни моттига кулгалхочунца бувзаме ваьнна вӏаштӏехьдаьккхар цо из гӏулакх», - дийцар тха газетага.
